Увага!!!
Гімназія праводзіць
Тыдзень беларускай мовы і літаратуры!!!
Цікавосткі роднай мовы, інтэлектуальныя гульні, віктарыны і конкурсы, акцыі і квэсты!
А таксама побытавыя танцы, майстар-класы, народныя песні і сустрэча з прадстаўнікамі рэдакцыі часопіса "Бярозка"!
«Там, дзе не шануюць роднай мовы, мялеюць рэкі, нішчацца дубровы, народ той мёртвы,
а той край нямы» (Г.Бураўкін).
Хай беларускае слова гучыць паўсюдна, хай шануецца і зберагаецца, хай кожнае немаўля з калыскі чуе беларускую калыханку з вуснаў сваёй матулі, хай дзяўчына, чакаючы прызнанне юнака, абавязкова пачуе “адзінае, дзіўнае светлае слова — кахаю... кахаю»...
Я чула пяшчотнае, шчырасці поўнае,
маё, беларускае, роднае, кроўнае,
такое раптоўнае, такое чароўнае.
Такое ласкавае, цёплае, чыстае,
як сонца, агністае,
як Нёман, празрыстае,
як казка, быліна, як песня,
жаданае,
дагэтуль зусім у жыцці не спазнанае,
вясновае слова ад шчырага сэрца:
Кахаю...
Люблю...
Беларускаму краю
бясконца я слова «люблю» паўтараю.
Данута Бічэль-Загнетава
Далучайцеся!!! Будзем адкрываць, пазнаваць, вывучаць!
Размаўляйце па-беларуску!
Шануйце родную мову!
Ганарыцеся сваёй мовай, сваёй культурай, сваёй краінай!
О матчына мова! Маленства вясна!
Ніколі ніхто мне цябе не заменіць,
Бо ты, як і маці, на свеце адна.
Алесь Бачыла
Комментариев нет:
Отправить комментарий